29 i 30 červienia pradstaŭniki kanhresa ZŠA naviedajuć Biełaruś u miežach vizitu ŭ krainy Bałtyi i Bałkan.
Pra heta BiełaPAN paviedamili ŭ kamitecie kanhresa ZŠA pa biaśpiecy i supracoŭnictvie ŭ Jeŭropie (Chielsinkskaja kamisija).
Staršynia Chielsinkskaj kamisii sienatar Biendžamin Karden i sustaršynia Ełsi Chastynhs uznačalać delehacyju, jakaja 26 červienia — 3 lipienia naviedaje Bośniju i Hiercahavinu, Biełaruś, Litvu. U delehacyju taksama ŭvajšli členy sienata i deputaty pałaty pradstaŭnikoŭ. Zapłanavany sustrečy z uładami i pradstaŭnikami hramadzianskaj supolnaści. Meta pajezdki — umacavańnie biaśpieki, pravoŭ čałavieka i mižnarodnaha supracoŭnictva. U Vilniusie delehacyja voźmie ŭdzieł u siesii Parłamienckaj asamblei ABSIE.
Paviedamlajecca, što vizit kanhresmienaŭ u Minsk projdzie na samym vysokim uzroŭni za apošnija dziesiać hadoŭ. Sustreča z presaj adbudziecca 30 červienia ŭ amierykanskaj dypmisii.
Pasolstva ZŠA u Minsku i MZS Biełarusi padrabiaznaści vizitu pakul nie paviedamlajuć.