U aŭtorak advakat Pavał Sapiełka bačyŭsia ŭ minskim śledčym izalatary z vaŭkavyskim pradprymalnikam Mikałajem Aŭtuchovičam.
«Trymajecca, vielmi słaby, ale praciahvaje haładoŭku, na sustreču pryjšoŭ samastojna», — paviedamiŭ advakat.
Minuŭ 69 dzień, jak Mikałaj Aŭtuchovič pačaŭ haładoŭku.
Advakatu nieviadoma, ci staviać Aŭtuchoviču kropielnicy. Pradprymalnik pratestuje suprać kryminalnaha pieraśledu, jaki ličyć niezakonnym — Aŭtuchoviča abvinavačvajuć u padpale doma milicyjanta. Dniami Aŭtuchoviču abviaścili, što jon ličycca padazravanym i ŭ jašče adnoj kryminalnaj spravie — ab niezakonnych dziejańniach sa zbrojaj (č.3 art.295 KK).
Najbolšaje pakarańnie pavodle hetaha artykuła — vosiem hadoŭ źniavoleńnia.
Pavodle advakata, spravy, u jakich fihuruje Mikałaj Aŭtuchovič abjadnanyja. Pavieł Sapiełka taksama paviedamiŭ proźvišča novaha śledčaha, jaki viadzie spravu Aŭtuchoviča — heta spadar Kłačko. Raniej spravu pradprymalnika rasśledavaŭ śledčy Kucharonak z Hrodna.
