Zbornaja Niamieččyny vyjhrała moładzievy čempijanat Jeŭropy pa futbole, razhramiŭšy ŭ finalnym matčy ŭ Malmio zbornuju Anhliju ź likam 4:0.
Vyznačylisia Kastra (23‑ia chvilina), Aził (48), dvojčy Vahnier (79, 84).
Moładzievaja zbornaja Niamieččyny vyjhrała čempijanat Jeŭropy ŭpieršyniu ŭ historyi, paviedamlaje Sport‑Ekspriess.
***
Kantynientalnaje pieršynstvo prachodziła ŭ Šviecyi z 15 pa 29 červienia, u im udzielničali vosiem kamandaŭ.
Niamieččyna i Anhlija hulali ŭ adnoj hrupie na hetym čempijanacie i ŭ matčy 3‑ha turu raśpisali ničyju (1:1), jakaja i vyvieła dźvie zbornyja ŭ paŭfinał.
U paŭfinale Anhlija pieramahła Šviecyju (3:3, 5:4 pa pienalci), Niamiečynna vyjhrała ŭ Italii – 1:0.
Šviecyja i Italija byli supiernikami zbornaj Biełarusi.
Šviedam padapiečnyja Juryja Kurnienina prajhrali ź likam 1:5, Italii –1:2, taksama zhulali ŭničyju ź Sierbijaj (0:0). U hrupie zaniali apošniaje 4-je miesca, i vynikovaje siomaje na kantynientalnym pieršynstvie.
