U suviazi z repietycyjaj vajennaha parada 30 červienia na niekatorych vulicach Minska budzie abmiežavany ruch transpartu, paviedamili va UDAI Minharvykankama.
Z 19.00 da 20.00 uvodzicca abmiežavańnie ruchu na praśpiekcie Niezaležnaści ad vulicy Astrašyckaja da vulicy Surhanava ŭ abodvuch napramkach.
Z 19.30 da 20.30 — na vulicy Surhanava ad praśpiekta Niezaležnaści da skryžavańnia vulic Arłoŭskaja i Karastajanavaj.
Z 19.30 da 20.30 — na vulicy M.Bahdanoviča ad vulicy Niakrasava da vulicy Ja.Kupały.
Z 19.30 da 3.00 — na praśpiekcie Mašerava ad praśpiekta Niezaležnaści da vulicy Cimirazieva ź pieryjadyčnym adkryćciom ruchu pa praśpiekcie Pieramožcaŭ u rajonie pierasiačeńnia z praśpiektam Mašerava. Ruch tramvajaŭ pa praśpiekcie Mašerava abmiežavany nie budzie.
Dziaržaŭtainśpiekcyja prosić udzielnikaŭ darožnaha ruchu vyklučyć hetyja ŭčastki vulična‑darožnaj sietki sa svajho maršrutu, paviedamlaje BiełaPAN.
***
KP u Biełaruci piša ŭ siońniašnim numary, što tanki sapsavali novy asfalt u Minsku.
Pryčym na vulicy Surhanava jaho pakłali dva tydni tamu. Ale ŭžo ŭ minułyja vychodnyja padčas repietycyi paradu ciažkaja technika jaho bieznadziejna sapsavała. Asfalt patreskaŭsia, i sałdaty ŭ viodry źbirali jaho kavałki.
Tym časam adzin kiłamietr jakasnaj darohi kaštuje 1 miljon dalaraŭ paviedamlaje Kamsamołka. U adździele darožnaj słužby UDAI Minharvykankama uciamnyja kamientary davać admovilisia.
Asfalt na Surhanava.
A heta - na praśpiekcie Mašerava.
