Kantrolnyja pakiety bujnych dziaržaŭnych pradpryjemstvaŭ mohuć być vystaŭleny na prodaž pa patrabavańni MVF užo ŭ lutym.
Jak daviedaŭsia «Ježiednievnik», adpaviednymi dakumientami vyznačany navat prybliznyja terminy startu pryvatyzacyi.
Užo da lutaha 2010 hodu biełaruskim bokam na adkryty mižnarodny handal mohuć być vystaŭleny kantrolnyja pakiety pieršych 5 bujnych dziaržaŭnych pradpryjemstvaŭ.
Prapanova ab pryvatyzacyi stała asnoŭnym dadatkovym patrabavańniem MVF u paraŭnańni z tymi dakumientami, jakija byli padpisany ŭ śniežni 2008 hodu.
Raniej, nahadajem, što da pryvatyzacyi, havorka išła pra častkovy («Biełarusbank» i «Biełahraprambank»), ci poŭny («BPS-Bank» i «Bielinviestbank») prodaž tolki bujnych dziaržaŭnych bankaŭ. Pa hetych ustanovach rekamiendacyja praciahvaje dziejničać: da kanca žniŭnia 2009 hodu biełaruskija ŭłady pavinny znajści aŭtarytetnaha kansultanta, jaki b dapamoh im u padrychtoŭcy da prodažu hetych aktyvaŭ.
A voś rekamiendacyi ab aktyvizacyi vysiłkaŭ u pryvatyzacyi, dy jašče i z vyraznym hrafikam i, treba mierkavać, abaviazkovymi terminami vykanańnia, — heta navinka ŭ adnosinach, što vybudoŭvajucca pamiž MVF i Biełaruśsiu.Ciažka skazać, ale moža mienavita hety punkt u vyniku prymusiŭ pradstaŭnikoŭ MVF zapluščyć vočy na niedabor $221 młn. čystych mižnarodnych reziervaŭ i pryniać takoje važnaje dla krainy rašeńnie ab vyklučnym kredytavańni.
Zaraz sprava za biełaruskim bokam, jakomu prapanavany vyrazny hrafik vykanańnia dadzienaj damoŭlenaści. Da vieraśnia hetaha hodu ŭrad pry ŭdziele Suśvietnaha banku pavinien raspracavać i nakiravać u biełaruski «parłamient» prajekt Zakonu ab pryvatyzacyi. Paralelna pavinna pravodzicca praca pa stvareńni novaj struktury, jakaja pa zadumach uznačalić pryvatyzacyjnyja pracesy ŭ krainie — Ahienctva pa pryvatyzacyi. Adpaviedny prajekt ukazu Łukašenki pavinien być padrychtavany da kanca vieraśnia. Na Ahienctva pa pryvatyzacyi, jakoje budzie vałodać šyrokimi pravami i paŭnamoctvami, pavinny lehčy asnoŭny ciažar, kab tyja pryvatyzacyjnyja śpisy, jakija prymalisia dva hady tamu, pierastali być prosta papieraj.
I kab «čorny śpis» — pradpryjemstvaŭ, što znachodziacca tolki va ŭłasnaści dziaržavy, — taksama staŭ mienšym.
Mienavita Ahienctva pa pryvatyzacyi pavinna budzie pry padtrymcy Suśvietnaha banku da listapada padrychtavać pieralik pieršych piaci bujnych dziaržaŭnych abjektaŭ, jakija stanuć pieršyncami sapraŭdnaj, pa zachodnich mierkach, pryvatyzacyi. U dapamohu, jak i ŭ vypadku z bankami, miarkujecca naniać mižnarodnaha kansultanta. Konkursy ci aŭkcyjony pa prodažy kantrolnych pakietaŭ hetych piaci pradpryjemstvaŭ, jak užo havaryłasia vyšej, pavinny adbycca nie paźniej lutaha 2010 hodu.
Vielmi cikava, što mienavita luty (a dakładniej — jahonaja siaredzina) stanie terminam dla pieraliku apošniaha tranšu MVF u Biełaruś u ramkach kredytu «stend-baj». Zrešty, i papiarednija daty dla inšych pieraličeńniaŭ taksama supadajuć z tymi ci inšymi dziejańniami (ci biaździejnaściu) biełaruskich uład, u tym liku i na nivie pryvatyzacyi.
U Mienska, viadoma, jość addušyna — abiacanyja Maskvoj da kanca biahučaha hodu $500 młn. Ale ci naŭrad jana papytaje za ich mienš, čym MVF…
