Aryštavany były načalnik śledčaha ŭpraŭleńnia departamienta finansavych rasśledavańniaŭ Kamitetu dziaržaŭnaha kantrolu Hienadź Haponienka.
Pra heta BiełaPAN paviedamili ŭ pres‑słužbie Hienieralnaj prakuratury.
U dačynieńni da Haponienki raspačata kryminalnaja sprava, pa jakim artykule — u pres‑słužbie nie ŭdakładnili.
Razam z tym, pavodle nieaficyjnaj infarmacyi, były supracoŭnik KDK padazrajecca ŭ złoŭžyvańni ŭładaj abo słužbovymi paŭnamoctvami (č. 3 art. 424 KK).
Jak paviedamlaje interniet‑vydańnie «Ježiednievnik», Hienadziu Haponienku inkryminujecca toje, što jon na praciahu piaci hadoŭ «davaŭ dach» adnamu staličnamu biźniesoŭcu.
«Nibyta načalnik śledčaha ŭpraŭleńnia DFR KDK nie tolki sadziejničaŭ spynieńniu spravy, raspačataj u dačynieńni da znajomaha biźniesmiena pa č. 3 art. 233 Kryminalnaha kodeksa (niezakonnaja pradprymalnickaja dziejnaść, jakaja ažyćciaŭlajecca arhanizavanaj hrupaj), ale i davaŭ tamu infarmacyju pra chod rasśledavańnia», — piša hazieta.
0
0
0
0
0
0
