Prakuratura Hrodzienskaj vobłaści rasśledavała kryminalnuju spravu ŭ dačynieńni da byłoha kiraŭnika KUP «Prajektnaje biuro pry hałoŭnym architektary Śvisłackaha rajona».
Kryminalnaja sprava była zaviedzienaja 4 śniežnia 2008 h. pavodle prykmietaŭ złačynstva, praduhledžanaha artykułam 430 č.1 KK (atrymańnie chabaru). Śledstva ŭstanaviła, što jon atrymaŭ chabar za vyrašeńnie pytańnia, źviazanaha z rapracoŭkaj dakumientacyi dla budaŭnictva doma ŭ pasiołku Paŭdniovy Hrodzienskaha rajona. Pamier chabara skłaŭ 600 tysiačaŭ rubloŭ.
Padčas rasśledavańnia byli ŭstanoŭlenyja i inšyja fakty atrymańnia chabaru, pavodle jakich zaviedziena 15 kryminalnych spraŭ, spałučanych u adnu.
Akramia taho, u 2002 Varanko niezakonna zaklučyŭ damovu z Hrodzienskim dziaržaŭnym univiersitetam imia Janki Kupały ab padrychtoŭcy svajoj dački pa śpiecyjalnaści «Ekanomika i ŭpraŭleńnie na pradpryjemstvie, padrabiŭšy podpis buchhałtara. Jon taksama daŭ niezakonny zahad ab pieraličeńni hrošaj z rachunka prajektnaha biuro na rachunak univiersiteta. Usiaho na praciahu 2002 — 2006 hadoŭ prajektnym biuro było pieraličana amal 16 miljonaŭ rubloŭ.
U pieryjad ź lutaha 2006 h. pa krasavik 2008 abvinavačany sistematyčna atrymlivaŭ chabar na ahulnuju sumu 9,2 młn rubloŭ za paskoranaje afarmleńnie prajektna‑kaštarysnaj dakumientacyi pryvatnych damoŭ.
Pavodle rašeńnia suda Śvisłackaha rajona V. Varanko pryznany vinavatym pa ŭsim składzie inkryminavanych jamu złačynstvaŭ i asudžany na 8 hadoŭ pazbaŭleńnia voli z kanfiskacyjaj majomaści i z pazbaŭleńniem prava zajmać kirujučyja pasady terminam na 5 hadoŭ. Prysud ustupiŭ u siłu.
