Haspadarki Biełarusi namałacili pieršy miljon ton zbožža novaha ŭradžaju. Akurat heta stała hałoŭnaj navinoj u dziaržaŭnych ŚMI.
Heta vialikaja asablivaść Biełarusi. Miedyi krainaŭ-susiedak pra žnivo maŭčać, choć rola sielskaj haspadarki ŭ ich ekanomikach nie mienšaja, čym u Biełarusi.
Na ranicu siońniašniaha dnia sielhasarhanizacyi krainy namałacili 1 młn. 188 tys. t zbožža, u tym liku za minuły dzień — 286 tys.t, paviedamlaje BIEŁTA.
Usiaho na 31 lipienia zbožžavyja skošany na 306 tys.ha, što składaje 13 pracentaŭ uboračnaj płoščy. Pa tempach uborki lidzirujuć haspadarki Bresckaj vobłaści, dzie skošana 29,9 pracenta. U Homielskaj vobłaści ŭbrana 23 pracenty, Hrodzienskaj — 14 pracentaŭ, Minskaj — 7,9 pracenta, Mahiloŭskaj — 2 pracenty. U Viciebskaj vobłaści skošana pakul 1,9 pracenta da płana.
Na siońnia ŭ siarednim pa krainie z kožnaha hiektara źbirajuć pa 38,89 c,što na 3,49 c bolš, čym na anałahičnuju datu minułaha hoda. Biezumoŭnymi liderami pa ŭradžajnaści źjaŭlajucca haspadarki Hrodzienskaj vobłaści, dzie ŭ siarednim uradžajnaść zbožžavych składaje amal 47 c/ha.
U saviecki čas uvaha ŚMI i mastactva da pracoŭnaha cykłu vioski mieła kampiensavać jaje faktyčnuju ekspłuatacyju: rabskaja praca sielskaha nasielnictva davała resursy spačatku dla industryjalizacyi, a paśla dla honki ŭzbrajeńniaŭ.