Biełaruś i Polšča płanujuć padpisać miemarandum ab supracoŭnictvie pamiž uradami dźviuch krain u śfiery elektraenierhietyki. Adpaviednaje rašeńnie źmiaščajecca ŭ pastanovie Savieta Ministraŭ Biełarusi numar 994, paviedamili karespandentu BIEŁTA ŭ Aparacie Saŭmina.
Urad padtrymaŭ prapanovu Ministerstva enierhietyki Biełarusi, uzhodnienuju ź Ministerstvam zamiežnych spraŭ, Ministerstvam justycyi i inšymi zacikaŭlenymi, ab zaklučeńni miemaranduma z polskim bokam. Ad Biełarusi na padpisańnie dakumienta ŭpaŭnavažany ministr enierhietyki Alaksandr Aziarec.
Jak paviedamlałasia raniej, DVA «Biełenierha» i polskaja kampanija «Kulčyk chołdynh» majuć namier sumiesna realizavać u Biełarusi prajekt pa budaŭnictvie vuhalnaj elektrastancyi. Adpaviednaje pahadnieńnie ab supracoŭnictvie padpisana bakami ŭ listapadzie 2008 hoda na Biełaruskim inviestycyjnym forumie ŭ Łondanie. Prajekt praduhledžvaje ŭvod u ekspłuatacyju stancyi mahutnaściu 660 MVt, jakaja pracuje na vuhali. Aryjencirovačny košt prajekta — $990 młn., termin budaŭnictva — 4 hady. Placoŭka pad budaŭnictva Zelvienskaj KES raźmieščana za 5 km ad pasiołka Zelva Hrodzienskaj vobłaści.
