Pracoŭnyja resursy pramysłovych pradpryjemstvaŭ Biełarusi, jakija pracujuć ź niapoŭnaj zahruzkaj, mohuć być vykarystanyja na budaŭnictvie žylla. Pra heta zajaviŭ pieršy namieśnik ministra architektury i budaŭnictva Michaił Abramčuk, pieradaje BIEŁTA.
«Dadzienaje daručeńnie ŭrada nakiravać na budoŭlu ludziej, jakija vyzvalenyja na pradpryjemstvach u suviazi ź ich niapoŭnaj zahruzkaj, - skazaŭ pieršy namieśnik ministra. — Jany mohuć być zadziejničanyja na budaŭnictvie žylla chacia b dla siabie».
«Naprykład, bujnyja pramysłovyja pradpryjemstvy MAZ, MTZ, dzie jość vialikija čerhi na žyllo, mohuć nie čakać, a budavać ułasnymi siłami.Tym bolš što ŭ ich jość svaje budaŭničyja tresty, tolki ich treba ŭkamplektavać ludźmi», — zajaviŭ Michaił Abramčuk.
Nahadajem, što heta nie pieršy padobny krok biełaruskich uładaŭ dla vyrašeńnia prablemy biespracoŭja i niapoŭnaj zaniataści na pradpryjemstvach.
U pačatku leta 2009 hoda miascovyja ŭłady pačali pravodzić kampaniju pa nakiravańni pracoŭnych zavodaŭ u kałhasy.
U červieni Haradzienski abłvykankam zapatrabavaŭ ad kiraŭnikoŭ kałhasaŭ i saŭhasaŭ, jakija znachodziacca ŭ niepasrednaj blizkaści ad abłasnoha centra, u pieršuju čarhu prymać na pracu pracaŭnikoŭ zavodaŭ «Radyjochvala» i «Kardannyja vały». Mienavita pracoŭnyja hetych pradpryjemstvaŭ na toj momant bolš za ŭsio paciarpieli ad kryzisu.
