Barysaŭski BATE atrymaŭ u supierniki baŭharski «Liteks» (hałoŭny trenier - Stanimir Staiłaŭ) z horada Łovieč, heta ci nie samy lepšy varyjant (u - sensie prachadny) z mahčymych.
«Liteks» byŭ zasnavany ŭ 1921 h., dvuchrazovy čempijon Bałharyi (1998, 1999), pryčym staŭ pieršym u historyi bałharskaha futboła kłubam-debiutantam, jaki ŭ pieršy siezon zavajavaŭ załatyja miedali.
U minułym siezonie ŭ čempijanacie Bałharyi «Liteks» zaniaŭ 4-je miesca. A ŭ rozyhryšy Kubku UEFA vybyŭ u pieršym asnoŭnym raŭndzie.
***
Z bałharskimi kłubami biełarusy hulali 6 razoŭ (12 matčaŭ: dźvie pieramohi, čatyry ničyi, šeść parazaŭ, bałans miačoŭ: 10-24).
U minułym žniŭni BATE ŭ trecim raŭndzie kvalifikacyi Lihi čempijonaŭ pieramoh «Leŭski» (1:0 u haściach, 1:1 doma) i vyjšaŭ u hrupavy turnir Lihi čempijonaŭ.
Matčy BATE - «Liteks» projduć 20 i 27 žniŭnia. Pieršy matč projdzie ŭ Barysavie.
Pieramožca dvuboju trapić u hrupavy turnir Lihi Jeŭropy.
***
BATE pierad losavańniem byŭ pasiejany ŭ pieršym košyku, i jamu mahli trapić «Vierder» dy «Eviertan».
Inšyja pary pieršaha košyku: PAOK (Hrecyja) - «Chierenvien» (Hałandyja), «Dynama» Zahrab - «Charts» (Šatłandyja), «Eviertan» (Anhlija) - «Sihma» (Čechija). «Vierder» (Bremien, Niamieččyna) - «Aktabe» (Kazachstan), za «Aktabe» vystupaje biełarus Andrej Łaŭryk.
Pieciarburhski «Zienit» (Siarhiej Karnilenka) zhulaje z partuhalskim «Nasijanałam», piermski «Amkar» (Michaił Afanaśjeŭ) z łondanskim «Fułchemam», daniecki «Mietałurh», što vybiŭ ź jeŭrakubkaŭ MTZ-RIPA, zhulaje ź vienskaj «Aŭstryjaj», narviežski «Tromsio» z «Atletykam» ź Bilbao (Ispanija), «Słavija» (Praha), za jakuju vystupaje Vital Trubiła, zhulaje z «Crvienaj Źviezdaj».
***
Nahadajem, što BATE startavaŭ z 2‑ha raŭndu kvalifikacyi Lihi čempijonaŭ, abyhraŭšy «Makiedoniju» (2:0, 2:0), a ŭ 3‑m raŭndzie pa vynikach dvuch matčaŭ sastupiŭ łatvijskamu «Vientśpiłsu» (0:1, 2:1). «Vientśpiłs» u plej‑of Lihi čempijonaŭ zhulaje z «Ciurycham».