Prezident Biełarusi Alaksandr Łukašenka siońnia daść intervju teleprahramie «Formuła ŭłady»,paviedamili BIEŁTA ŭ pres‑słužbie kiraŭnika dziaržavy.
«Formuła ŭdady» — sumiesny prajekt rasijskaha infarmacyjnaha ahienctva ITAR‑TASS i telekanała «Rasija».
Pieradača vychodzić u efir z 2000 hoda. Za hety čas było źniata bolš jak 150 prahram, siarod jakich telepartrety prezidentaŭ ZŠA Džordža Buša i Baraka Abamy, fiederalnych kancleraŭ Hiermanii Hiercharda Šrodera i Anhieły Mierkiel, prezidenta Francyi Žaka Šyraka, karala Šviecyi Karła XVI Hustava, karala Ispanii Chuana Karłasa, karalevy Danii Marhrete II, premjer‑ministra Italii Silvio Bierłuskoni, amal usich kiraŭnikoŭ krain SND i inšych lideraŭ dziaržaŭ. Intervju hierojaŭ teleprahramy ŭ tekstavym varyjancie, jak praviła, publikujucca ŭ «Rośsijskoj hazietie» i haziecie «Iźviestija», a taksama ŭ časopisach «Ohoniek» i «Echo płaniety».
Pastajanny aŭtar i viadučy prahramy «Formuła ŭłady» — pieršy namieśnik hienieralnaha dyrektara ITAR‑TASS Michaił Husman.
