Za studzień—lipień 2009 hoda pastupleńni dachodaŭ u kansalidavany biudžet Minskaj vobłaści skaracilisia na 42,2%.
Pres‑centr inśpiekcyi Ministerstva pa padatkach i zborach pa Minskaj vobłaści paviedamlaje, što ŭ zhadany pieryjad u biudžet i biudžetnyja fondy rehijona pastupiŭ 1 trłn. 802,3 młrd. rubloŭ, ci 96,8% da płanavych naznačeńniaŭ. Temp rostu dachodaŭ kansalidavanaha biudžetu vobłaści skłaŭ 57,8% da ŭzroŭniu studzienia—lipienia 2008 hoda ŭ supastaŭnych cenach.
Pry hetym ad pradpryjemstvaŭ dziaržaŭnaj formy ŭłasnaści ŭ biudžet pastupiła 872,1 młrd. rubloŭ, ci 48,4% u ahulnaj sumie dachodaŭ. Za hetaj ličbaj u asnoŭnym stajać bujnyja pramysłovyja pradpryjemstvy vobłaści. Sioleta pastupleńni ad arhanizacyj dziaržaŭnaj formy ŭłasnaści źnizilisia ŭ 2,4 razu ŭ supastaŭnych cenach. Płacielščyki niedziaržaŭnaha siektara zabiaśpiečyli płaciažy ŭ sumie 926,4 młrd. rubloŭ, ci 51,4% u dachodach biudžetu. Ad fizičnych asob — płacielščykaŭ majomasnych padatkaŭ pastupiła 3,7 młrd. rubloŭ.
Sioleta prahladajecca stanoŭčaja dynamika pa napaŭnieńni biudžetu płaciažami ad subjektaŭ małoha pradprymalnictva. Za siem miesiacaŭ hetaha hoda imi vypłačana 386,2 młrd. rubloŭ padatkovych płaciažoŭ, što na 8,7% bolš, čym letaś.
Pa stanie na 1 žniŭnia 2009 hoda płacielščykami vobłaści dapuščana zapazyčanaść pa padatkovych płaciažach u biudžet u sumie 10,8 młrd. rubloŭ.
Asnoŭnymi daŭžnikami biudžetu źjaŭlajucca
RUP «Maładziečanski radyjozavod «Spadarožnik» — 1.926,1 młn. rubloŭ, AAT «Słucki pivavarny zavod» — 1.917,6 młn. rubloŭ, KVUP «Kopylski ZŽBV» — 812,2 młn. rubloŭ, SAAT «Kraśnienski kansiervavy zavod» — 679,7 młn. rubloŭ, AAT «Barysaŭskaje pradpryjemstva muzyčnych instrumientaŭ» — 508,9 młn. rubloŭ.
Dla zabieśpiačeńnia svoječasovaha pastupleńnia padatkovych abaviazacielstvaŭ u biudžet inśpiekcyi MPZ vobłaści prymianiajuć miery prymusovaha spahnańnia płaciažoŭ. Tak, za studzień—lipień 2009 hoda pradjaŭlena da spahnańnia zapazyčanaść na ahulnuju sumu 231,4 młrd. rubloŭ, spahnana było 113,5 młrd. rubloŭ. Dola prymusovaha spahnańnia ŭ ahulnaj sumie pastupleńniaŭ skłała 6,3%.
Padatkovymi orhanami vobłaści ŭ studzieni—lipieni 2009 hoda praviedziena 5.465 pravierak subjektaŭ pradprymalnickaj dziejnaści pa pytańniach zachavańnia zakanadaŭstva. Pavodle vynikaŭ praviedzienych pravierak dadatkova pradjaŭlena da apłaty 17 młrd. rubloŭ padatkaŭ, pieni i administratyŭnych štrafaŭ; spahnana 8,5 młrd. rubloŭ, što skłała 0,5% u dachodach biudžetu.
Pravierki abhruntavanaści zaliku (zvarotu) padatku na dadadzieny košt praduchilili niezakonnaje viartańnie ź biudžetu 7 młrd. rubloŭ.
