Bujnamaštabnyja vučeńni Kalektyŭnych siłaŭ apieratyŭnaha reahavańnia (KSAR) ADKB «Uzajemadziejańnie‑2009» pieranosiacca na niavyznačany termin, paviedamiła infarmacyjnaje ahienctva Novosti-Kazachstan.
Pačatak vučeńniaŭ, jakija pavinny byli prajści ŭ Kazachstanie, byŭ zapłanavany na 19 žniŭnia. Hałoŭnaja meta mierapryjemstva — praduchileńnie sumiesnych namahańniaŭ, a pry nieabchodnaści — likvidacyja vajennaj pahrozy suvierenitetu i terytaryjalnaj cełasnaści dziaržaŭ‑udzielnic ADKB. Mierkavałasia, što hałoŭnaja stadyja vučeńniaŭ pavinna była adbycca 14 kastryčnika z zaprašeńniem kiraŭnikoŭ krain siabroŭ ADKB.
Nahadajem, što u červieni Alaksandr Łukašenka admoviŭsia padpisać pahadnieńnie pa stvareńni KSAR praz «małočnuju vajnu». Praź niejki čas adbyŭsia samit ADKB u Kyrhyzstanie, dzie biełaruski lider znoŭ nie padpisaŭ pahadnieńnie. Jość pytańni da arhanizacyi i va Uźbiekistana, jaki vystupaje suprać raźmiaščeńnia rasijskaj vajskovaj bazy na poŭdni Kyrhyzstana.
Ci nie praz pazicyju hetych dvuch krain i byli admienienyja vučeńni ADKB?
