«Minsk».
Ciaham čatyroch dzion biejsbolnyja kłuby Ukrainy i Biełarusi zmahalisia za hałoŭny pryz mižnarodnych spabornictvaŭ u Iljičoŭsku, što pad Adesaj (Ukraina).
Pieramožcam stałasia abjadnanaja kamanda «Minsk», u składzie jakoj vystupali vychavancy adnajmiennaha minskaha kłuba i studentaŭ Biełaruskaha dziaržaŭnaha univiersiteta fizičnaj kultury (adździaleńnie — «biejsboł»).
U finale biełaruskaja kamanda pieramahła haspadaroŭ turniru — kłub «Iljičoviec».
Darečy, apošniaja kamanda amal spres składałasia ź vieteranaŭ ukrainskaha biejsboła, u toj čas kali za «Minsk» hulaŭ tolki adzin «vieteran» — Alaksandar Siečka.
Pieramožcami ŭ čatyroch asobnych praktykavańniach lepšymi stali taksama vychavancy «minska‑łahišynskaj» škoły.
Lepšy pitčar — Jaŭhien Karalevič, lepšy betar — Anton Pryputnievič, lepšy ranar — Alaksandar Ivanovič. Usio jany jany hulcy kłubu «BDUFK» — vychavancy łahišynskaj DIUSŠ.
Treciaje miesca zaniali «Mahiloŭskija lvy», jakija zdoleli pieramahčy ŭ napružanaj baraćbie kamandu z Moršyna (Ukraina).
Akramia mocnych i słabych bakoŭ kožnaj kamandy, turnir vykryŭ ahulnyja prablemy raźvićcia biejsbołu ŭ Biełarusi dy Ukrainie. Miesca, dzie musiŭ pravodzicca turnir — biejsbolny stadyjon Iljičoŭska ciapier možna pabačyć tolki što na googlemap. Bo samatužna abstalavanuju (dy nie błaha ž, treba dadać, abstalavanuju) biejsbolnuju placoŭku źnieśli. Ciapier tam — futbolny stadyjon. Heta sapraŭdny bol i strata dla miascovych biejsbalistaŭ. Hulni ładziacca na inšych, nieprystasavanych i ŭsio tych ža futbolnych (!) stadyjonach.
