Radyjoamataru, jaki zapisaŭ apošniuju razmovu piłotaŭ Su-27 , pahražaje zaraz 2 hady pazbaŭleńnia voli. Vajskovaja prakuratura pieradała rajonnaj prakuratury jaho materyjały.
Vajskovaja prakuraturaj u Varšavie ŭstanoŭlena, što zapisy zrabiŭ radyjoamatar z Radama, pieradaje TVP . Jon padsłuchoŭvaŭ viežu pry dapamozie skaniera. Paśla, praź niekalki hadzin paśla trahiedyi, hetyja padsłuchanyja pieramovy źjavilisia ŭ internecie.
«Pakolki takija pavodziny pavinny razhladacca praz pryzmu złačynstva, zhadanaha ŭ artykule 267 §3 KK, a vykanaŭca byŭ čałaviekam cyvilnym, sprava budzie pieradadziena ŭ rajonnuju prakuraturu ŭ Radamie», — skazaŭ pałkoŭnik Irenijuš Šelanh, namieśnik vajskovaha prakurora Polščy.
U hetym artykule havorycca što «čałaviek, jaki, nie majučy na toje paŭnamoctvaŭ, atrymlivaje infarmacyju, nie pryznačanuju dla jaho, adkryvaje zapiačatany list, padłučajecca da kabiela dla prasłuchoŭvańnia abo parušaje elektronnyja, mahnitnyja ci inšyja asablivaści zachavańnia biaśpieki infarmacyi, moža być pakarany ŭ vyhladzie abmiežavańnia voli abo turemnaha źniavoleńnia terminam da dvuch hadoŭ».
