U Minsku paśla rekanstrukcyi adčynili Novy dramatyčny teatr. Raźmiaščajecca jon u pracoŭnym Zavadskim rajonie stalicy.
Na adkryćci namieśnik ministra kultury Viktar Kuraš paabiacaŭ na novaj scenie čaściej stavić ajčynnych dramaturhaŭ. Miarkujučy pa raniejšym repiertuary — «Novyja pryhody starych znajomych» Piatra Vasiučenki, «Try pary i adzin los» Andreja Kurejčyka, «Kachańnie, hrošy i žanich charošy» Hieorhija Marčuka, — pastanoŭki pa tvorach sučasnych biełaruskich piśmieńnikaŭ sapraŭdy buduć niaredkaściu. Ale čarhovy siezon u Novym teatry pačniecca dzieviataha kastryčnika z pjesy «Karaleva pryhažości» irłandskaha aŭtara Marcina Makdonacha.
Novy dramatyčny teatr paŭstaŭ u 2004 hodzie paśla pierajmienavańnia teatra «Dzie-Ja?», jaki raźmiaščaŭsia ŭ budynku byłoha kinateatra «Radzima». Tady ž i pačałasia jaho rekanstrukcyja.
