Teatr junaha hledača adkryvaje novy siezon śpiektaklem Siarhieja Kavalova «Taras na Parnasie», što adbudziecca 17 vieraśnia 2009 hoda a 19-aj hadzinie na scenie Kłuba im. Dziaržynskaha (vuł. Kamsamolskaja, 30). Hetaja impreza, jakaja stała sapraŭdnaj vizitoŭkaj teatra, adznačyć svoj jubilejny 70-ty pakaz.
Žanr śpiektakla možna vyznačyć jak sceničny žart na dźvie dziei pavodle adnajmiennaj paemy. Jon naležyć da liku znakavych prac hałoŭnaha režysiora TIUHa Natalli Bašavaj, a taksama aktora Andreja Kizino, jaki bliskuča ŭvasobiŭ rolu ścipłaha, ščyraha, nie abdzielenieha samymi vysokimi i pryhožymi pačućciami leśnika Tarasa.
«Paema «Taras na Parnasie» ličycca vizitoŭkaj biełaruskaj paezii ChICh stahodździa, a samaho Tarasa možna paraŭnać z Tylem Ulenšpihielem Šarla de Kastera i Kała Bruńjonam Ramena Rałana, bo jon źjaŭlajecca jaskravym uvasableńniem nacyjanalnaha charaktara, typa biełarusa…».
