Siońnia na haradzkim rynku «Jubilejny» ŭ Bieraści spynili pracu bolš jak 200 pryvatnych handlaroŭ. Pra heta «Svabodzie» paviedamiŭ namieśnik staršyni pradprymalnickaha abjadnańnia «Perspektyva» Viktar Čajkoŭski.
«Pradprymalniki pratestujuć suprać pravierak čynoŭnikami. Kantralory siońnia daviali da straty prytomnaści pradaŭca abutku, inšych — da skandału. Handlary ličać, što masavyja pravierki padparadkavanyja zadačy vyciahvańnia srodkaŭ u źbiadnieły dziaržbiudžet. Isnujučaj uładzie mała, što płata za arendu i padatki z kožnaha pradprymalnika ŭžo nablizilisia da sumy ŭ adzin miljon rubloŭ, vyciahvajuć bolš», — zajaviŭ Viktar Čajkoŭski.
Surazmoŭca kaža, što kali pravierka nia spynicca, to, mahčyma, zaŭtra pradprymalniki ź bieraściejskaha rynku «Jubilejny» abvieściać adnadzionny papieradžalny strajk.
