Prakuraturaj Mahiloŭskaj vobłaści ŭ adnosinach da kiraŭnikoŭ dvuch pradpryjemstvaŭ raspačata sprava pa prykmietach złačynstva, praduhledžanaha č. 3 art. 430 KK (atrymańnie chabaru ŭ asabliva bujnym pamiery).
Jak paviedamiła starejšy pamočnik prakurora Mahiloŭskaj vobłaści Ała Kuźniacova, kiraŭnik pryvatnaha vytvorča-handlovaha unitarnaha pradpryjemstva «Rehienieratarny zavod» i kiraŭnik jašče adnaho mahiloŭskaha pryvatnaha pradpryjemstva atrymali chabar u pamiery 130 tys. dalaraŭ ad indyvidualnaha pradprymalnika. U takuju sumu było aceniena stanoŭčaje rašeńnie pytańnia ab zaklučeńni damovy biazvypłatnaha karystańnia aračnym składam rehienieratarnaha zavoda ź jaho nastupnym vykupam.
Papiaredniaje rasśledavańnie pa kryminalnaj spravie pravodzicca śledčym adździełam prakuratury Mahiloŭskaj vobłaści.
