Supracoŭnikami Ŭpraŭleńnia KDB pa Homielskaj vobłaści ŭ Mazyry aryštavany staršy opierupaŭnavažany kryminalnaha vyšuku rajonnaha adździeła ŭnutranych spraŭ.
Aryšt ździejśnieny ŭ miežach vykaranieńnia karupcyi ŭ šerahach supracoŭnikaŭ MUS. Całkam mahčyma, što heta praciah tak zvanaj «palaŭničaj spravy» .
Padrabiaznaści novaha karupcyjnaha skandału pakul nie razhałošvajucca. Ale mazyrskaja milicyja čakaje praciahu, bo kažuć, što čekisty aktyŭna pracujuć ź miascovymi žycharami, vyšukvajučy novyja karupcyjnyja fakty.
Major Mazyrskaha RUUS byŭ zatrymany supracoŭnikami KDB pavodle padazreńnia ŭ padbuchtorvańni da dačy bujnoha chabaru svajmu kiraŭnictvu.
Zhodna z papiaredniaj viersijaj, major padbuchtorvaŭ da dačy chabaru miascovuju žycharku, pracoŭnuju RUP «Etanoł», syn jakoj patrapiŭ pad śledstva za ździejśnienaje złačynstva. Kab dapamahčy synu, žančyna sustrełasia z majoram kryminalnaha vyšuku, pavodle apieratyŭnych dadzienych jakoha i była zaviedzienaja sprava. Sprava maładoha čałavieka znachodziłasia ŭžo ŭ inšaj słužbie i kryminalny vyšuk nie moh paŭpłyvać na chod rasśledavańnia, tamu major prapanavaŭ svaje pasłuhi ŭ jakaści pasrednika. Košt vyrašeńnia pytańnia skłaŭ 3 tysiačy dalaraŭ. U jakaści avansu žančyna sabrała tysiaču dalaraŭ i pieradała ich majoru. Paśla hetaha jon byŭ zatrymany supracoŭnikami KDB Homielskaj vobłaści. Zaviedziena kryminalnaja sprava pavodle č.5 st.16, č.2 st.431 KK.
Zaraz supracoŭniki KDB vyśviatlajuć, kamu pryznačaŭsia chabar za vyzvaleńnie syna miascovaj žycharki.
