Na terytoryi byłoha minskaha hieta ŭstalavali pamiatny kamień u pamiać pra achviaraŭ chałakosta. Na cyrymonii pryutničaŭ kiraŭnik MZS Aŭstryi. Fotarepartaž Alesia Pileckaha.
Siońnia, 18 vieraśnia, na terytoryi byłoha minskaha hieta (rajon vuł. Suchoj) adbyłasia ŭračystaja cyrymonija adkrycia pamiatnaha kamienia va ŭšanavańnie 9600 achviaraŭ chałakosta. Ustanoŭleny pamiatny kamień ušanoŭvaje pamiać ab aŭstryjskich habrejach, pryviezienych u Minsk padčas vajny. Heta ŭžo šosty znak. Papiarednija ŭstaloŭvalisia pačynajučy ź siaredziny 90-ych hadoŭ i nahadvajuć ab achviarach chałakostu ź inšych rehijonaŭ Jeŭropy, departavanych na Ŭschod i zabitych u Biełarusi.
Na cyrymonii prysutničali jak šarahovyja hramadzianie – siabry biełaruskaj habrejskaj hramady, – tak i dypłamatyčnyja pradstaŭniki Izrailu i Aŭstryi. U pryvatnaści pasły Eduard Šapira i Jachanes Kirle. Prysutničaŭ taksama i niepasredny śviedka chałakostu – M.Trejster, kiraŭnik Biełaruskaha hramadskaha abjadnańnia habrejaŭ-viaźniaŭ hieta i nacysckich kancłahieraŭ.
Minskaje hieta było stvorana padčas vajny i składałasia z troch vialikich častak – «Vialikaje hieta», «Małoje hieta» i «Zonderhieta». Mienavita ŭ «Zonderhieta» zvozili habrejaŭ z krain Zachodniaj i Centralnaj Jeŭropy. Minskaje hieta było adnym z samych vialikich u Jeŭropie, naličvała bolš za 100 tys. viaźniaŭ, adzinkam ź jakich udałosia paźbiehnuć śmierci. Tak zvanaje «Małoje hieta» isnavała da kanca červienia 1944 hoda, amal da momantu vyzvaleńnia Minska z'pad fašysckaj akupacyi.
Na cyrymonii adkryćcia pomnika.
Čynoŭnik MZS Aŭstryi Ja. Kirle i viazień hieta M.Trejster.
