Litaraturny fiestyval European Borderlands («Jeŭrapiejskija krainy‑susiedki») sioleta jedzie ŭ Litvu i Biełaruś — na ŭschodniuju miažu Jeŭrapiejskaha sajuza.
Heta miaža paśla pašyreńnia ES ŭ 2004 hodzie padzialiła kulturnuju prastoru, nieparyŭna źviazanuju histaryčna i satkanuju ŭ adno cełaje.
Prahrama «European Borderlands —Absiahi paezii» zvodzić razam samyja cikavyja hałasy ŭ paezii i prozie Centralnaj i Uschodniaj Jeŭropy. Užo try hady zapar fond «Allianz Kulturstiftung» i Bierlinski litaraturny kałokvijum ładziać litaraturny fiestyval u pamiežnych rehijonach Jeŭropy. Toje, što było raspačata ŭ Lvovie ŭ 2006 hodzie i znajšło svoj praciah u Lejpcyhu i Buchareście, rumynskich Jasach i Kišyniovie, ciapier možna budzie ŭbačyć u Vilni i Minsku: 15 aŭtarak i aŭtaraŭ ź Litvy, Biełarusi, Hiermanii, Polščy i Ukrainy 25‑26 vieraśnia ŭ Minsku buduć prezientavać adno adnamu i publicy svaje teksty i pohlady na litaraturu.
Prahrama:
25 vieraśnia 18 hadzin: Kultury sustrakajucca ŭ słovie: dyskusija z udziełam aŭtaraŭ
26 vieraśnia 16‑21 hadzin: Vialikija raźvitalnyja čytańni European Borderlands — Absiahi paezii
Udzielniki: Eŭhienijus Ališanka (LT), Uładzimir Arłoŭ (BY), Marsel Bajier (DE), Uładas Braziunas (LT), Viera Burłak (BY), Dajva Čapaŭskajcie (LT), Andrej Chadanovič (BY), Tadevuš Dambroŭski (PL), Dźmitry Dźmitryjeŭ (BY), Hintaras Hrajaŭskas (LT), Volha Hapiejeva (BY), Tania Malarčuk (UA), Ilma Rakuza (CH), Jan Vahner (DE), Ahnie Žahrakalicie (LT).
