31‑hadovaja žycharka Rečycy ŭpała z vośmaha pavierchu i zastałasia žyvaja, trapiŭšy na bałkon da susiedziaŭ.
Jak paviedamili BiełaPAN u homielskim abłasnym upraŭleńni MNS, 23 vieraśnia žančyna ŭpała sa svajho bałkona, raźmieščanaha na vośmym paviersie. Pry hetym jana ŭpała na bałkon siomaha pavierchu, raźbiŭšy jaho škleńnie. Z parezami ruk, noh i žyvata žančyna była pieradadziena miedykam. Traŭmaŭ, niebiaśpiečnych dla žyćcia, pry padzieńni jana nie atrymała.
Jak vyśvietliłasia, žančyna ź siabroŭkaj vychodziła na svoj bałkon pakuryć. Nachiliŭšysia napierad, jana straciła raŭnavahu i pierakuliłasia praz parenčy. U MNS nie mohuć patłumačyć, jak žančyna mahła patrapić na bałkon i čamu jana nie ŭpała na ziamlu.
0
0
0
0
0
0