Epidemija hrypu čakajecca ŭ Minsku ŭ bolš rannija terminy: u kancy śniežnia 2009 — pačatku studzienia 2010 hoda.
Pra heta paviedamiła zahadčyk adździaleńnia imunnaj prafiłaktyki Minskaha haradskoha centra hihijeny i epidemijałohii Iryna Hlinskaja na pres‑kanfierencyi ŭ Minharvykankamie.
Śpiecyjalist adznačyła, što ŭ hetym siezonie suprać nazvanaj virusnaj infiekcyi płanujecca pryščapić ŭdvaja bolš minčan. U pryvatnaści, kali ŭ minułym hodzie pryščepki ad hrypu zrabili kala 10 pracentaŭ nasielnictva,
to ŭ hetym hodzie miedyki staviać zadaču vakcynavać 18‑20 pracentaŭ žycharoŭ stalicy.
«U treciaj dekadzie kastryčnika ŭ miedycynskija ŭstanovy pastupiać vakcyny dla imunizacyi nasielnictva z hrup ryzyki (z chraničnymi zachvorvańniami, starejšyja za 65 hadoŭ, miedrabotniki i inš.)», — skazała Iryna Hlinskaja. Dla ich za košt srodkaŭ respublikanskaha biudžetu budzie zakuplena 40 tys. doz žyvoj hrypoznoj vakcyny (kraina‑vytvorca Rasija) i 3 tys. doz vakcyny «Fluaryks» (Hiermanija).
Za košt srodkaŭ miascovaha biudžetu ŭ Minsku pryščepki buduć zrobleny daškolnikam i navučencam škoł. «U minułym hodzie my pilnuju ŭvahu ŭdzialili dzieciam ź dziciačych sadoŭ i pačatkovaj škoły. U biahučym hodzie stavicca zadača maksimalna zaścierahčy ad infiekcyi školnikaŭ — usiaho kala 60 tys., što składaje kala pałovy ad ahulnaj kolkaści navučencaŭ škoł horada», — adznačyła śpiecyjalist. Biaspłatnyja pryščepki atrymajuć u tym liku ludzi, jakija zabiaśpiečvajuć žyćciadziejnaść horada (rabotniki voda‑ i enierhazabieśpiačeńnia, transpartu i inš.)
Pradstaŭnik Minskaha haradskoha centra hihijeny i epidemijałohii nahadała, što ŭ stalicy pačałasia vakcynacyja na płatnaj asnovie. Kiraŭniki bolš jak 650 pradpryjemstvaŭ i arhanizacyj horada za ŭłasny košt płanujuć vakcynavać kala 60 tys. rabotnikaŭ. Za košt asabistych srodkaŭ pryščapilisia ŭžo kala 500 minčan.
