9 kastryčnika ŭ stalicy pačaŭ pracu Pakroŭski kirmaš. Mierapryjemstva, što prachodzić užo šosty raz, atrymała błasłavieńnie mitrapalita Minskaha i Słuckaha Fiłareta.
Na kirmašy možna nie tolki nabyć duchoŭnuju litaraturu, ikonu, albo inšyja pradmiety, nieabchodnyja dla relihijnaha čałavieka. U płanie mierapryjemstva taksama praviadzieńnie kanfierencyj, prezientacyj, kruhłych stałoŭ i inšych samych raznastajnych mierapryjemstvaŭ. Siarod jakich paetyčnyja viečaryny, dabračynnyja akcyi i navat dziciačaja haścioŭnia, stvoranaja admysłova dla samych ščyrych i maleńkich naviedvalnikaŭ.
Na Pakroŭski kirmaš źjechalisia nie tolki biełaruskija vierniki i manachi. Šmat udzielnikaŭ z Rasii.
A asablivuju uvahu naviednikaŭ pryciahvaje vystava manastyra sa śviatoj hary Afon, što ŭ Hrecyi. Tut možna nabyć navat słavuty afonski kahor.
Śviata Pakrova, da jakoha i prymierkavany kirmaš, maje daŭniuju historyju. Pavodle padańnia, u 910 h. Kanstancinopal byŭ asadžany saracynami. Žychary horada sabralisia ŭ Vłachieronskim chramie, dzie zachoŭvałasia ryza — pakroŭ — što naležała Božaj Maci. Padčas malebna ludzi zaŭvažyli jaje nad saboj, trymajučaj pakrovy. Baharodzica maliłasia razam ź ludźmi. Dziakujučy hetamu cudu horad byŭ vyratavany i saracyny adstupili.
Vytoki narodnaj traktoŭcy Pakrova — u staražytnym słavianskim ziemlarobčym śviacie jakoje prypadała na hety dzień, jaki ličyŭsia pierałomnym momantam u žyćci pryrody.Da jaho zvyčajna zaviaršalisia ŭsie raboty na poli i ŭ sadzie, uciaplalisia žyllo i haspadarčyja pabudovy. Paśla Pakrova u sialanskim žyćci pačynaŭsia novy cykł rabot — narychtoŭka paliva, pieravod žyvioły na stojłavaje ŭtrymańnie. Taksama paśla Pakrova pačynałasia para viasiellaŭ i popradak (viačorak, supradak), jakija praciahvalisia da Vialikadnia.
Kirmaš možna naviedvać da 17 kastryčnika ad 10‑aj da 20‑j hadziny. Jon pracuje ŭ budynku Pałaca mastactvaŭ.
