Siem hadoŭ pazbaŭleńnia voli z kanfiskacyjaj majomaści atrymaŭ pradprymalnik Andrej Bandarenka. Takoje rašeńnie pryniaŭ sudździa Pieršamajskaha sudu Miensku Leanid Jarmolenkaŭ.
Andrej Bandarenka z žaleznaj kletki paśpieŭ paviedamić, što budzie asprečvać prysud, jakija ličyć palityčnym.
Svajaki Bandarenki i pravaabaroncy, jakija prysutničali ŭ zali sustreli prysud z vokličami «Hańba!». Paśla čaho milicyja zapatrabavała pakinuć pamiaškańnie.
Kasacyjnuju skarhu na prysud pa zakonie možna padać ciaham 15 dzion.
***
Bandarenku abvinavacili ŭ kradziažy ŭ asabliva bujnym pamiery. Abvinavačvańnie patrabavała padsudnamu 9 hadoŭ pazbaŭleńnia voli. Abarona prosiła vyzvalić Bandarenku.
Aktyvist AHP Alaksandar Dabravolski zajaviŭ Svabodzie, što, na jahonuju dumku, abvinavačvańnie nie dakazała nivodnaha epizodu spravy. «Nie było pradstaŭlena nivodnaha śviedki, nivodnaha dakumentu, jaki b dakazaŭ vinu padsudnaha», ‑‑ zajaŭlaje Dabravolski.
Biznesoŭca, udzielnika parlamenckaj vybarčaj kampanii 2008 hodu, aryštavali 27 traŭnia. Andrej Bandarenka balatavaŭsia ŭ deputaty Pałaty pradstaŭnikoŭ pa Asipovickaj vybarčaj akruzie № 89 jak niezaležny kandydat. Padčas jon vybaraŭ pracavaŭ dyrektaram departamentu pa raźvićci i źniešnieekanamičnych suviaziach akcyjanernaha tavarystva «Biełvysotstrojhrupp». Jaho vinavaciać u tym, što jon skraŭ 20 miljonaŭ rubloŭ. Kiraŭnictva Abjadnanaj hramadzianskaj partyi zajaviła tady, što biznesoviec — siabra partyi, i jaho zatrymańnie palityčna matyvavanaje.
