Alaksandr Łukašenka 13 kastryčnika daŭ zhodu na pryznačeńnie Valeryja Kiryjenki hienieralnym dyrektaram respublikanskaha ŭnitarnaha pradpryjemstva «Vytvorčaje abjadnańnie «Biełaruśkalij». Raniej jon pracavaŭ hałoŭnym inžynieram hetaha pradpryjemstva. Papiaredni hiendyrektar Andrej Bašura vyjšaŭ na piensiju.
Taksama, jak paviedamlaje BIEŁTA, źmianiŭsia hienieralny dyrektar Biełaruskaha mietałurhičnaha zavoda — hetuju pasadu atrymaŭ Anatol Savianok. Raniej jon zajmaŭ pasadu namieśnika hiendyrektara hetaha pradpryjemstva pa vytvorčaści mietaličnych vyrabaŭ. Los papiaredniaha dyrektara Mikałaja Andryjanava nieviadomy. Pavodle niekatorych źviestak, jon pierajechaŭ u Rasiju.
Staršynioj Homielskaha harvykankama staŭ Viktar Pilipiec, Uładzimir Dvornik — staršyniom Mazyrskaha rajvykankama, Jan Palčys — staršyniom Zelvienskaha rajvykankama, Ihar Stoma — kiraŭnikom administracyi Savieckaha rajona horada Minska.
Źmianilisia i kiraŭniki abłasnoj milicyi na Brestčynie i Homielščynie.
Uładzimir Syčeŭski pryznačany načalnikam upraŭleńnia ŭnutranych spravaŭ Bresckaha abłvykankama. Da hetaha jon pracavaŭ namieśnikam načalnika UUS Hrodzienskaha abłvykankama — načalnikam milicyi hramadskaj biaśpieki.
Načalnikam upraŭleńnia ŭnutranych spravaŭ Homielskaha abłvykankama staŭ Valeryj Pališčuk. Da hetaha jon pracavaŭ pieršym namieśnikam načalnika UUS Mahiloŭskaha abłvykankama — načalnikam kryminalnaj milicyi.
Uładzimir Kałtovič staŭ pieršym namieśnikam ministra handlu, Leanid Marynič — namieśnikam ministra sielskaj haspadarki i charčy, Uładzimir Dzierviankoŭ — namieśnikam ministra transpartu i kamunikacyj, Uładzisłaŭ Tatarynovič — namieśnikam ministra finansaŭ.
