Składanyja ŭmovy nadvorja naziralisia ŭ Biełarusi dniom 13‑ha i ŭ noč na 14 kastryčnika.
Pavodle infarmacyi Respublikanskaha hidramieteacentra, u šerahu nasielenych punktaŭ pa ŭschodniaj pałovie krainy vypała bolš za miesiačnuju normu apadkaŭ: u Jeziaryščy — 61 mm (113%), u Bierazino — 54 mm (102%), u Mazyry — 52 mm (116%), u Žłobinie — taksama 52 mm (104%). U Minsku vypała 38 mm apadkaŭ (76%), u tym liku 29 mm nočču.
Pa zachadzie adznačaŭsia mokry śnieh.
U Hrodzienskaj, na bolšaj častcy Bresckaj, paŭnočnym zachadzie Minskaj i Viciebskaj abłaściej ustanaviłasia śniežnaje pokryva vyšynioj 1—6 sm.
Maksimalnaja tempieratura pavietra skłała dniom ad plus 1,6 hradusa ŭ Vałožynie da 17 hradusaŭ ciapła ŭ Brahinie, minimalnaja ŭ noč na sieradu — ad minus 0,3 u Navahrudku i Łyntupach da plus 15,4 u Homieli.
Paryvy vietru dasiahali 15—21 m/s, u Vałožynie — 27 m/s.
U Žłobinie adbyłosia padtapleńnie padvorkaŭ dzieviaci žyłych damoŭ, u Bresckaj vobłaści było abiastočana 125 nasielenych punktaŭ, u Minsku z‑za zatapleńnia prajeznaj častki prypyniaŭsia ruch na vaśmi tralejbusnych maršrutach.
