Paviedamleńnie ab dziciaci, jakoje zhubiłasia ŭ lasnym masivie, pryjšło 14 kastryčnika kala 16.30 u Kalinkavicki rajadździeł milicyi.
Baćka i dzied dvuchhadovaj dziaŭčynki adpravilisia na hužavoj pavozcy ŭ les u hryby. Za piać kiłamietraŭ ad vioski Varatyn jany spynili kania. Baćka pajšoŭ u les, a dziadula zastaŭsia ź dziaŭčynkaj na pavozcy.
Nieŭzabavie pažyły mužčyna taksama nienadoŭha pajšoŭ u les, a kali viarnuŭsia, dziciaci ŭžo nie było.
Na praciahu dźviuch hadzin baćka i dziadula šukali dziaŭčynku samastojna, a zatym źviarnulisia ŭ milicyju.
Byli arhanizavany maštabnyja pošuki, u jakich brali ŭdzieł 355 čałaviek z RAUS, MNS, lashasa, Ministerstva abarony, Biełaruskaj čyhunki, inšych słužbaŭ. Kala 21.40 dzicia było znojdziena rabotnikami BČ prykładna ŭ 800 mietrach ad miesca źniknieńnia. Dziaŭčynka adpraŭlena ŭ balnicu z dyjahnazam «ahulnaje pieraachaładžeńnie», jaje stan zdavalniajučy.
0
0
0
0
0
0
