Minułaj nočču nacyjanalny ściah załunaŭ nad šašoj Viciebsk — Lozna, niedaloka ad vioski Palai, dzie ŭ 1930‑50 hady racctrelvali achviaraŭ stalinskich represij.
Bieł‑čyrvona‑bieły ściah byŭ vyviešany na elektryčnych dratach. Pavodle viciebskaha apazicyjaniera Barysa Chamajdy, lehiendarny Miron prymacavaŭ da ściahu cydułku z takimi słovami: «Stalinskija katy ŭ 1937 hodzie źniščali našych dziadoŭ, a siońnia ŭnuki tych kataŭ rujnujuć kryžy na miescach rasstrełaŭ našych prodkaŭ. Ale za ŭsio daviadziecca płacić. Nabližajecca čas źbirać kamieńnie. Viečnaja pamiać našym dziadam. Miron».
Źmiest cydułki, pavodle spadara Chamajdy, staŭ viadomy jamu z vartych davieru krynic.
Taksama apazicyjanier nahadaŭ, što kala miesiaca tamu byli źniščanyja try pamiatnyja kryžy, ustalavanyja ŭ lesie la Palajaŭ na miescy masavych rasstrełaŭ.
Staršynia viciebskaj abłasnoj supołki Partyi BNF Kastuś Smolikaŭ napisaŭ z hetaj nahody zajavu ŭ miascovy Varonaŭski sielsaviet. Ale miascovyja ŭłady ćvierdziać, što nie addavali zahadu znosić kryžy i nia viedajuć, chto heta zrabiŭ.
