U Rasii niama hrošaj, kab vydatkavać kredyt u piaćsot miljonaŭ dołaraŭ. Ale kali Biełaruś pahodzicca nadzieć atamny ašyjnik i budavać u Astraŭcy AES, Miadźviedzieŭ i Pucin vydaduć kredyt u dzieviać miljardaŭ.
Kali Łukašenka biez zhody naroda jak jon kaža, «čeraz kalena», pabuduje AES, to praz tryccać hadoŭ jaho syn Kola budzie dvojčy stajać i prasić u rasijskaha atamproma, kab pradali jadziernaje paliva, kab zabrali na pieraapracoŭku jadziernyja adkidy.
U našaj krainie dastatkova inšych krynic elektraenierhii. Zusim nie vykarystoŭvajecca enierhija vietru — u inšych krainach śvietu viecier daje bolš za 20% elektryčnaści. Tolki pačałosia budaŭnictva elektrastancyj na bijapalivie — inšyja krainy ad hetaha atrymlivajuć da 30% patreby ŭ elektraenierhii. Pačałosia budaŭnictva hidrastancyi na Niomanie. Ale zusim nie vykarystoŭvajecca enierhija małych rek.
U Navahradskim rajonie kaliści pracavali 22 młyny. Mnohija ź ich i siońnia stajać. Kali pieradać ich u arendu pradprymalnikam, jany pierabudujuć ich u mini‑elektrastancyi, jakija dvaccać čatyry hadziny ŭ sutki buduć davać elektryčnaść. Na vodanakaplalnych aziorach možna hadavać rybu i pradavać.
Zachodniaja ž Jeŭropa pryhladajecca da enierhii sonca, jakaja pakul vykarystoŭvajecca ludźmi mieniej čym na 1%.
