Naleta budzie raspracavany novy biełaruskamoŭny interfejs resursu.
Da 25 kastryčnika ŭsie elektronnyja adrasy na resursie TUT.BY kančatkova buduć pieraviedzienyja na płatformu Google (gmail). Raniej TUT.BY była ci adzinaj poštaj, jakaja padtrymlivała biełaruskaju movu. Mienavita hety faktar staŭ u svoj čas vyznačalnym dla mnohich jaje karystalnikaŭ. Zaraz ža, ź pierachodam na novuju płatformu, biełaruskaja mova źnikła, čym vyklikała abureńnie mnohich hramadzian.
Čytač «NN» z Baranavič Rusłan Raviaka napisaŭ, što, «pieravod na novuju płatformu rychtavaŭsia amal paŭhoda, ale jak vyjaviłasia, pra samich biełarusaŭ i ich prava karystacca tytulnaj movaju, jak zaŭsiody, zabylisia».
Akazałasia, što nie zusim zabylisia. Hiendyrektar TUT.BY Kiryła Vałošyn patłumačyŭ, što ŭ dadzieny momant biełaruskamoŭny interfejs raspracoŭvajecca i pavinien źjavicca naleta.
«My adrazu papiaredžvali pierad pierachodam na novuju płatformu, što biełaruskamoŭny interfejs časova źniknie. Častka karystalnikaŭ adrazu admoviłasia ad pierachodu na novuju płatformu. — raskazaŭ kiraŭnik resursu . — My pierahavaryli z kampanijaj Google, i jany abiacali na praciahu niekalkich miesiacaŭ vyrašyć prablemu».
Vidavočna, što biełaruskaja mova nie zaŭsiody paśpiavaje za techničnym prahresam, ale ci vyrašalnaja heta prablema? Kirył Vałošyn miarkuje, što sprava tut zusim nie ŭ admysłovych hrašovych uličvańniach u IT‑śfieru, a ŭ kolkaści biełaruskamoŭnych karystalnikaŭ.
«Heta pytańnie zacikaŭlenaści kampanij.
Biełaruskaj movaj karystajecca značna mienšy pracent karystalnikaŭ. Uvieści biełaruskuju movu było inicyjatyvaj nie kampanii Google. Hetym zajmajecca admysłovaja inicyjatyŭnaja hrupa».
