Pytańnie ab dalejšym losie Biernda Štanhie, jaki z 2007 hoda ŭznačalvaje nacyjanalnuju zbornuju Biełarusi pa futbole, budzie vyrašacca paśla 18 listapada.
Pra heta paviedamiŭ sam niamiecki śpiecyjalist, kamientujučy pa prośbie BiełaPAN svajo vykazvańnie na CHCHCH mižnarodnym simpoziumie trenieraŭ pa futbole, što prajšoŭ u Minsku. Štanhie zajaviŭ, što z aptymizmam hladzić na losavańnie adboračnaha turniru čempijanatu Jeŭropy‑2012, jakoje projdzie 7 lutaha nastupnaha hoda.
«Usie maje dumki siońnia pra biełaruski futboł, — zajaviŭ Štanhie, adkazvajučy na pytańnie, ci žadaje jon pradoŭžyć rabotu sa zbornaj. — U nas byli dva ciažkija hady ŭ hetaj kvalifikacyjnaj hrupie [čempijanatu śvietu‑2010]. Ale ŭsie my z aptymizmam hladzim u budučyniu, uličvajem vyniki našaha maładziožnaha futboła, barysaŭskaha BATE, styl hulni nacyjanalnaj kamandy, pačatuju inicyjatyvu pa padrychtoŭcy trenieraŭ. Usio heta śviedčyć ab tym, što fiederacyja na pravilnym šlachu».
«Pa hetaj pryčynie my ŭsie razam z aptymizmam hladzim na 7 lutaha i spadziajemsia, kaniešnie, nie trapić znoŭ u adnu hrupu z Anhlijaj, Charvatyjaj, Ukrainaj.
A pra našu sumiesnuju budučyniu my damovilisia pahavaryć paśla 18 listapada (u hety dzień projduć matčy plej‑of u adkaz jeŭrapiejskaj kvalifikacyi ČS‑2010. — BiełaPAN.)», — skazaŭ Štanhie.
Pavodle jaho słoŭ, simpozium zapatrabavaŭ napružańnia mnohich ludziej. «Naša maleńkaja fiederacyja dobra praviała jaho, i my pieraniasiem aptymizm hetaha simpoziuma ŭ naš płan pavyšeńnia kvalifikacyi našych trenieraŭ. Heta čarhovaje naša zadańnie, jakoje my pavinny napoŭnić žyćciom i jakaściu, i zatym my pojdziem pa našym šlachu», — adznačyŭ niamiecki śpiecyjalist.
Pad kiraŭnictvam Štanhie biełaruskaja zbornaja zaniała čaćviortaje miesca ŭ 6‑j jeŭrapiejskaj adboračnaj hrupie ČS‑2010, nabraŭšy 13 punktaŭ u 10 matčach (12 punktaŭ ci 100%, u hulniach z aŭtsajderami Kazachstanam i Andoraj i 1 ačko, ci 6%, u pajadynkach ź liderami Anhlijaj, Ukrainaj i Charvatyjaj). Napiaredadni cykłu pierad zbornaj staviłasia zadača finišyravać na treciaj pazicyi.
