Vieterany vajny ŭ Afhanistanie patrabujuć nieadkładnaha ŭmiašańnia prezidenta ŭ spravu Mikałaja Aŭtuchoviča, paviedamiŭ pravaabaronca Aleh Vołčak.
Pavodle jaho słoŭ, 31 kastryčnika 2009 hoda ŭ Žodzinie adbyłasia spravazdačna‑vybarnaja kanfierencyja Rehijanalnaha centra invalidaŭ Minskaj vobłaści Respublikanskaha abjadnańnia invalidaŭ vajny ŭ Afhanistanie. Jaje ŭdzielniki vykazali padtrymku Aŭtuchoviču i pryniali adkryty zvarot da prezidenta Biełarusi Alaksandra Łukašenki.
«My ličym, što aryšt Aŭtuchoviča źviazany ź jaho palityčnaj dziejnaściu ŭ baraćbie z karupcyjaj u vyšejšych orhanach ułady i adstojvańniem pravoŭ udzielnikaŭ vajny ŭ Afhanistanie, čyje lhoty niezakonna likvidavanyja parłamientam krainy», — havorycca ŭ zvarocie.
«Patrabujem vašaha nieadkładnaha ŭmiašańnia, kab spynić heta biezzakońnie ŭ adnosinach da nievinavatych hramadzian. Prosim terminova vyzvalić z‑pad varty Mikałaja Aŭtuchoviča i Uładzimira Asipienku pad padpisku ab niavyjeździe. Prosim daručyć kampietentnym i prafiesijanalnym śledčym prakuratury Respubliki Biełaruś uziać pad svoj kantrol dadzienuju spravu dla dalejšaha rasśledavańnia, adchiliŭšy śledčych MUS RB. Taksama prosim pryciahnuć da adkaznaści słužbovych asob, pa vinie jakich byli niezakonna aryštavanyja Aŭtuchovič, Asipienka i Lavonaŭ (u žniŭni vyzvaleny z‑pad varty, sprava ŭ adnosinach da jaho spyniena)», — pišuć vieterany vajny ŭ Afhanistanie.
«Pa pryčynie taho, što našy listy asabista da vas u ruki, Alaksandr Ryhoravič, nie dachodziać, a kankretnych adkazaŭ z Administracyi prezidenta my nikoli nie atrymlivali, tamu zvarot budzie pradublavany ŭ ŚMI dla aznajamleńnia ź im šyrokaj hramadskaści», — paviedamlajuć udzielniki vajny ŭ Afhanistanie.
