Biełaruś budzie kiravacca vyklučna nacyjanalnymi intaresami, dekłaruje jon.
«Biełaruś nie źbirajecca siabravać ź Jeŭrasajuzam suprać intaresaŭ inšych dziaržavaŭ i naadvarot», – zajaviŭ siońnia Alaksandr Łukašenka.
Jon ličyć niedapuščalnym, kab udzieł Biełarusi ŭ ahulnajeŭrapiejskich pracesach pierakreśliŭ usie vyhady ad intehracyi z Rasiejaj.Pra heta kiraŭnik dziaržavy kazaŭ na pasiedžańni ŭ pytańniach raźvićcia adnosinaŭ ź Jeŭrasajuzam.
Siońnia, hetaksama jak i zaŭždy apošnim časam, kiraŭnik dziaržavy kazaŭ, što Jeŭrasajuz źjaŭlajecca mocnym faktaram ekanamičnaha i navukova‑technałahičnaha raźvićcia Biełarusi. Taksama Alaksandr Łukašenka pa‑raniejšamu paŭtaraŭ, što Biełaruś – nadziejny partnior Jeŭrasajuza ŭ niepalityčnych i nievajskovych pytańniach.
Spadar Łukašenka zajaviŭ, što Biełaruś stała paŭnavartasnaj udzielnicaj «Uschodniaha partniorstva». Ale pry hetym jon adznačyŭ, što «surjozny efiekt ad hetaha, taki, jaki možna było b pamacać rukami, pakul nievidavočny». U toj ža čas kiraŭnik dziaržavy padkreśliŭ, što
Biełaruś budzie kiravacca vyklučna nacyjanalnymi intaresami, a nie čyimi b tam ni było hieapalityčnymi ambicyjami, «navat kali jany zychodziać ad našych najbližejšych sajuźnikaŭ».
«Kožny krok nasustrač Biełarusi kontrahienty abumoŭlivajuć patrabavańniami ŭstupak z našaha boku, u ekanamičnaj heta ci ŭ palityčnaj śfiery», — kanstatavaŭ jon. Biełaruski lider sa škadavańniem zaŭvažyŭ, što ŭ asobnych jeŭrapiejskich stalicach da hetaha času jość schilnaść «ruchacca pa iniercyi» ŭ adnosinach ź Biełaruśsiu, vykarystoŭvajučy instrumienty palityčnaha i ekanamičnaha cisku. Da hetaha času zachoŭvajecca šerah abmiežavańniaŭ, pryčym davoli adčuvalnych dla našaj krainy.
