Pryčym jon try tydni nie abjaŭlaŭsia, paviedamili ŭ ZAT «Sport‑pary».
Pieramožca rozyhryšu 105‑ha tyražu, jaki adbyŭsia 11 kastryčnika, atrymaŭ 766 młn. 955 tys. 510 rubloŭ.
«Hety vyjhryš zapomniŭsia tym, što nie tolki byŭ razyhrany samy bujny hrašovy pryz u Biełarusi, ale i tym, što ŭładalnika astranamičnaj sumy daviałosia čakać bolš za try tydni», — adznačajecca ŭ infarmacyjnym paviedamleńni kampanii.
Pieramožcam rozyhryšu akazaŭsia 24‑hadovy student 5‑ha kursa Bresckaha technałahičnaha univiersiteta. Jak vyśvietliłasia, pryčynaj zatrymki ŭ atrymańni vyjhryšu stała śmierć blizkaha svajaka.
Pavodle słoŭ uładalnika rekordnaha vyjhryšu, u jaho byŭ dakładny płan, na što jon zraschoduje hrošy.
Student pieravioŭ niekatoruju sumu ŭ dva dziciačyja damy, zatym nabyŭ kvateru ŭ Minsku i novy aŭtamabil, a ŭsiu astatniuju častku patraciŭ na adradžeńnie siamiejnaha biźniesu.
U pamiać pra svajho dziadulu, jaki byŭ vinarobam, unuk nabyŭ vinahradniki va Ukrainie.
Šerah łatarej, siarod jakich «Sportłato» viaduć upartuju baraćbu za pryciahnieńnie ŭdzielnikaŭ. Što bolš pryvabna, čym viestka pra šalony vyjhryš...
