Siońnia, 5 listapada, u Afinach, na stadyjonie «Alimpijski», adbudziecca matč 4-ha turu futbolnaj Lihi Jeŭropy pamiž hreckim AJEKam i barysaŭskim BATE.
Pačatak u 22:05, žyvaja tranślacyja na telekanale «Ład».
Nahadajem, što dva tydni tamu BATE ŭ Minsku pieramoh 2:1, sastupajučy paśla pieršaha tajma 0:1. U barysaŭskaha kłuba vyznačylisia Paŭłaŭ i Ałumona.
Heta pakul adzinaja pieramoha biełaruskaha kłuba ŭ hrupavych turnirach jeŭrakubkaŭ. Što da AJEKa, to 11-razovy čempijon Hrecyi ŭ sioletnim pieršynstvie zajmaje 7-je miesca. Akurat miesiac tamu, 5 kastryčnika, BATE ŭ šosty raz staŭ čempijonam Biełarusi (čaćvierty raz zapar).
U čaćvier u našaj hrupie «I» u Livierpuli zhulajuć «Eviertan» i «Bienfika».
22 kastryčnika partuhalcy raskatali brytancaŭ u Lisabonie ŭ tonki blin – 5:0.
Pačatak siońniašniaha matču taksama ŭ 22:05.
Paśla 3-ch turaŭ: Bienfika – 6 bałaŭ (roźnica miačoŭ 7—1), Eviertan – 6 (6—6), BATE – 3 (3—5), AJEK – 3 (2—6).
Raniejšyja hulni:
17 vieraśnia: Bienfika – BATE – 2:0, Eviertan – AJEK – 4:0,
1 kastryčnika: BATE – Eviertan – 1:2, AJEK – Bienfika – 1:0,
22 kastryčnika: BATE – AJEK – 2:1, Bienfika – Eviertan – 5:0.
Zaŭvažym, što pakul u našaj hrupie nie było ničyich i, jak praviła, haspadary pieramahali, za vyniatkam matču BATE –«Eviertan».
Nastupnyja hulni:
2 śniežnia: BATE – Bienfika, AJEK – Eviertan
17 śniežnia: Eviertan – BATE, Bienfika – AJEK.
U plej-of (1/16 finału) vychodziać dźvie lepšyja kamandy z hrupy.