Załaty zapas Nacyjanalnaha banka Biełarusi na 1 listapada 2009 h składaje 27 ton.
Pra heta paviedamiŭ dyrektar Centralnaha schovišča Nacyjanalnaha banka Biełarusi Valeryj Filipaŭ u sieradu na sieminary «Bankaŭskaja sistema Respubliki Biełaruś. Stan, prablemy, pierśpiektyvy».
Zołatavalutnyja reziervy krainy składajucca z reziervaŭ u zamiežnaj valucie, kaštoŭnych mietałach i kaštoŭnych kamianiach.
Mižnarodnyja reziervovyja aktyvy Biełarusi, raźličanyja pa mietodycy MVF, pavialičylisia za studzień—kastryčnik 2009 hoda na 44,9% (na $ 1373,4 młn.) da $4434,5 młn.
Za kastryčnik jany ŭzraśli na 14,3%, abo na $555, 7 młn. Zołatavalutnyja reziervy ŭ nacyjanalnym vyznačeńni pavialičylisia za hety pieryjad na 29,5% (na $1079,4 młn.) da $4741,6 młn. U tym liku za kastryčnik jany ŭzraśli na 12,6%, abo na $ 531,9 młn.
U struktury mižnarodnych reziervaŭ Biełarusi na 1 listapada najbolšy udzielnaja vaha zajmali reziervovyja aktyvy ŭ zamiežnaj valucie ($ 3006,9 młn., abo 63,4%) i kaštoŭnyja mietały i kamiani ($ 1067,8 młn., abo 22,5%). Za dziesiać miesiacaŭ aktyvy ŭ zamiežnaj valucie pavialičylisia na 8,2%, abjom kaštoŭnych mietałaŭ i kamianioŭ pavialičyŭsia na 33,2%. Inšyja aktyvy składajuć $ 666,9 młn., abo 14,1%. Za studzień‑kastryčnik jany ŭzraśli bolš čym u 8 razoŭ.
Jak paviedamlałasia, zołatavalutnyja reziervy Biełarusi na pačatak 2010 hoda płanujucca na ŭzroŭni $4,8 młrd. Za 2010 hoda zołatavalutnyja reziervy mohuć pavialičycca na $2 młrd. Heta praduhledžana prajektam Asnoŭnych kirunkaŭ hrašova‑kredytnaj palityki Biełarusi na nastupny hod.
