Na karancin začynilisia niekalki škołaŭ Astravieččyny, Słonimščyny i Dziatłava. U Lidzie na kanikuły pajšli ŭsie 17 škołaŭ.
U Hrodnie za apošnija sutki kolkaść chvorych na hryp i vostryja reśpiratornyja virusnyja infiekcyi niaznačna skaraciłasia ŭ paraŭnańni z učorašnim dniom, paviedamiła NN namieśnik hałoŭnaha ŭrača pa epidemijałohii Hrodzienskaha abłasnoha centra hihijeny, epidemijałohii i hramadskaha zdaroŭja Janina Šarenda. Kali 10 listapada pa dapamohu da miedykaŭ źviarnułasia bolš za 2100 čałaviek, to siońnia hetaja kolkaść skłała 2098 čałaviek, ź ich na hryp zachvareli 394 čałavieki. Špitalizavanyja 34 čałavieki. Dla paraŭnańnia — na minułym tydni ŭ Hrodnie siaredniesutačnaja kolkaść chvorych na VRVI i hryp vahałasia ad 1,6 tys. da 1,8 tys. čałaviek. Na karancin začynienyja starejšyja kłasy adnoj z hrodzienskich himnazij.
U Lidzie, druhim kantrolnym horadzie vobłaści, kolkaść zafiksavanych 11 listapada vypadkaŭ zachvorvańniaŭ u paraŭnańni z učorašnim pakazčykam skaraciłasia amal u dva razy: 440 vypadkaŭ suprać 858. Adnak radavacca z hetaj nahody nie vypadaje.
«Skaračeńnie kolkaści zachvarełych amal u dva razy samo pa sabie pakul ničoha nie aznačaje, usio moža źmianicca ŭžo zaŭtra», — papiaredžvaje Janina Šarenda.Na hryp u Lidzie 11 lisapada zachvareli 85 čałaviek, 1 chvory špitalizavany.
Zhodna rašeńnia Lidskaha rajvykankamu ŭsie 17 siarednich škoł u Lidzie prypynili pracu da 15 listapada.
Z 11 pa 17 listapada projduć vymušanyja kanikuły ŭ dvuch škołach Astravieckaha rajonu, u himnazii Dziatłava i ŭ troch škołach Słonimščyny.
Siońnia ž adnaviŭ pracu Mirski mastacki kaledž.
Datyčna hrypu A/N1N1, hałoŭny sanitarny ŭrač vobłaści Mikałaj Kiendyš paviedamiŭ, što za ŭvieś pieryjad rostu zachvorvańnia na Hrodzienščynie było zafiksavana 20 vypadkaŭ.