Takaja miera dapamoža kampiensavać źnižeńnie prybytkaŭ ad papiarovaj haziety.
Ad viasny 2010 on‑łajn viersiju> brytanskaj The Times užo nielha budzie pačytać biaspłatna.
Sutačnaja płata za karystańnie budzie składać 90 piensaŭ (1,50$) — ekvivalent koštu papiarovaj haziety.
Mahčymymi buduć taksama varyjanty padpiski na miesiac i hod.
«Nastupiŭ čas padmacavać ekanamična sapraŭdnuju niezaležnuju, daśledčyckuju pracu», — cytuje redaktara haziety Džejmsa Chardynha Financial Times.
«My bačym, što kultura volnaha dostupu zrabiła z muzyčnym biznesam i vierym, što my ni jak dziełavyja ludzi, ni jak hramadstva nie dazvolim, kab padobny los napatkaŭ vydaŭcoŭ navinaŭ,» — vykazaŭ mierkavańnie Chardynh.
Miedyjamahnat Rupiert Merdak zajaviŭ, što pośpiech News Corp's Wall Street Journal, jakaja biare płatu za biznes‑naviny, upeŭnili jaho ŭ nieabchodnaści brać płatu za internet‑viersiju The Times. Jon adznačyŭ, što rost prybytkaŭ ad internet‑viersii zmohuć kampiensavać ich źnižeńnie ad papiarovych haziet pryblizna ciaham dvuch hadoŭ.
Za hazietaj The Times parušać uśled inšyja haziety miedyjaimpieryi Rupierta Merdaka — Sun, News of the World i Sunday Times.
