Vakoł Minska płanujecca pabudavać druhuju kalcavuju aŭtadarohu, jakaja złučyć mahistralnyja napramki Maskva — Bierlin i Vilnia — Kijeŭ.
Adpaviednaja prapanova była siońnia ŭchvalena kiraŭnikom Biełarusi Alaksandram Łukašenkam padčas dakłada jamu ab pierśpiektyvach raźvićcia horada Minska.
«Druhoje kalco musova patrebna, — padkreśliŭ kiraŭnik dziaržavy, — ale hety prajekt nieabchodna detalova praličyć, kab heta była vielmi pierśpiektyŭnaja, sučasnaja aŭtadaroha, jakaja adpaviadaje samym vysokim standartam.
Niešta nakštałt aŭtabana».
Pavodle słoŭ Łukašenki, budaŭnictva novaj darohi istotna dapamoža razhrupavać nahruzku tranzitnych hruzavych patokaŭ, vynieści łahistyčnyja centry za miežy horada, a taksama pazbavić horad ad praźmiernaj zahazavanaści.
Hałoŭny architektar Minska Viktar Nikicin dałažyŭ kiraŭniku dziaržavy, što na pieršym etapie płanujecca budaŭnictva paŭkalca daŭžynioj 50 km, jakoje złučyć abodva mahistralnyja napramki.‑
