Ukraina, Biełaruś i Litva vystupajuć za sumiesnaje raźvićcio «transpartnaj infrastruktury» i «enierhietyčnaje prastory». Pra heta abviaściŭ kiraŭnik ukrainskaha MZS Piatro Parašenka pa vynikach pieramovaŭ z kalehami ź Minska i Vilni — Siarhiejem Martynavym i Vihaŭdasam Ušackasam.
Photo.bymedia.net
Kiraŭniki zamiežnapalityčnych viedamstvaŭ troch krain sustrelisia siońnia ŭ Kijevie.
Baki damovilisia zrabić supolnuju zajavu pa «adzinaj enierhaprastory» 8 śniežnia na sustrečy ministraŭ zamiežnych spraŭ Jeŭrasajuza i krainaŭ Uschodniaj Jeŭropy. Parašenka adznačyŭ, što «padpisańnie pahadnieńnia ab eksparcie ŭkrainskaj elektraenierhii ŭ Litvu praź Biełaruś budzie spryjać prazrystaści adnosin pamiž krainami ŭ enierhietyčnaj śfiery». Ź jaho vykazvańniaŭ možna zrazumieć, što dziaržaŭnyja enierhietyčnyja kampanii troch krain padpisali ramačnaje pahadnieńnie ab pastaŭkach ukrainskaj elektraenierhii ŭ Litvu praź Biełaruś.
Ministry taksama damovilisia vystupić z zajavaj pa prajekcie «ŭładkavańnia ŭkrainska-biełaruskaj miažy ŭ ramkach prahramy «Uschodniaje partniorstva». Parašenka skazaŭ, što baki inicyjujuć pabudovu aŭtamahistrali, jakaja źviaža Bałtyjskaje i Čornaje mora.
Kiraŭniki MZS troch krain damovilisia supolna adznačyć 600-ju hadavinu Hrunvaldskaj bitvy ŭ 2010 hodzie.
