Čamu ŭ Drybinskim rajonie (Mahiloŭščyna) novyja ŭkazalniki nasielenych punktaŭ ustaloŭvajucca na rasijskaj movie, paprasiŭ patłumačyć miascovuju «viertykal» siabra Ruchu «Za Svabodu» Andrej Jurkoŭ. Jon nakiravaŭ piśmovy zvarot z hetaj nahody ŭ Drybinski rajonny vykanaŭčy kamitet.
Andrej Jurkoŭ źviarnuŭ uvahu miascovaj administracyi na toje, što ŭva ŭsich susiednich rajonach nazvy nasielenych punktaŭ na šyldach vykanany pa‑biełarusku. Na ich fonie Drybinščyna kantrastuje.
U svaim adkazie staršynia Drybinskaha rajvykankamu P.I.Panasiuha patłumačyŭ, što «ŭstalavańnie infarmacyjnych znakaŭ adbyvajecca zhodna z STB‑1140‑99 punkt 4.1.17, jaki kaža: «nadpisy pavinny nanosicca na biełaruskaj abo ruskaj movach (pieravažna na biełaruskaj)». U suviazi z hetym kiraŭnik miascovaj viertykali paabiacaŭ, što «pry zamienie infarmacyjnych znakaŭ, jakija pryjšli ŭ niahodnaść, novyja znaki buduć mieć nadpis na biełaruskaj movie».
0
0
0
0
0
0
