Pra spam čuŭ ci nie kožny. Navat toj, chto nie maje ŭłasnaha akaŭnta ŭ elektronnych paštovych servisach dy sacyjalnych sietkach. Ale mała chto viedaje, što pieršapačatkova hety termin nie mieŭ ničoha supolnaha ź internetam i našmat starejšy za jaho.
Słova «SPAM» źjaviłasia ŭ 1936‑ym hodzie. Jano rasšyfroŭvałasia jak SPiced hAM (vostraja viandlina) i było tavarnym znakam dla miasnych kansiervaŭ kampanii Hormel Foods — vostraha kaŭbasnaha faršu sa śvininy.
Suśvietnuju viadomaść i prymianieńnie u jakaści adpaviednika dakučlivaj rekłamy termin «SPAM» atrymaŭ
dziakujučy słavutamu skietču ź viadomaha šou «Latajučy cyrk Monci Pajtana» komik‑hrupy Monci Pajtan.
Sens skietču zvodziŭsia da taho, što ŭ adnoj kaviarni ŭsie stravy ŭ mieniu ŭtrymlivali «SPAM», niekatoryja navat pa niekalki razoŭ. Kali hałoŭny hieroj skietču, jaki pryjšoŭ u hetŭju kaviarniu razam z žonkaj, prosić prynieści jamu stravu biez vostraj viandliny, aficyjantka prapanavała jamu stravu z «nievialikaj kolkaściu SPAMa». Naviedvalnik aburaŭsia, a chor vikinhaŭ, što siadzieli za susiednimi stolikami, pačynaŭ śpiavać chvalebnyja pieśni «SPAMu», paśla čaho skietč pieratvaraŭsia ŭ biazładździe. Naprykancy dziejstva žonka hieroja ŭsklikła: «Ja nie lublu spam!» U tytrach da imionach dziejučych asob taksama było dadadziena słova «SPAM» Hetaje słova zhadvałasia ŭ skietčy bolš za sto razoŭ.
Pavodle inšaj viersii, paśla Druhoj suśvietnaj vajny zastalisia vializnyja zapasy zhadanych vyšej kansiervaŭ, jakimi zabiaśpiečvali amierykanskich sałdat. Kab zbyć svaju ŭžo nie pieršaj śviežaści pradukcyju, kampanija Hormel Foods praviała niabačanuju dahetul rekłamnuju kampaniju. Słova «SPAM» kidałasia ŭ vočy na kožnym kucie — ź vitryn ŭsich tannych kramaŭ, z bakoŭ aŭtobusaŭ i tramvajaŭ. Hetaje słova možna było pračytać na fasadach damoŭ i ŭ hazietach. Rekłama kansiervaŭ «SPAM» bieśpierapynna tranślavałasia pa radyjo.
Toje zapomniłasia amierykancam nastolki, što kali ŭ 1986 h. pa sietcy Usenet (jakaja isnavała da jašče da źjaŭleńnia internetu) raspaŭsiudziłasia mnostva adnolkavych paviedamleńniaŭ ad niejkaha Dejva Rodesa, katory rekłamavaŭ novuju finansavuju piramidu pad zahałoŭkam «Zarabi kuču hrošaj»,
jany adrazu pačali paraŭnoŭvać tuju rassyłku ź miasnymi kansiervami.
Tak za słovam «spam» zamacavałasia novaje značeńnie, jakoje paźniej pierajšło ŭ kampjuternuju terminałohiju i zaraz abaznačaje nadakučlivyja rekłamnyja paviedamleńni samaha raznastajnaha źmiestu.
