Pradprymalniku z Vaŭkavyska Uładzimiru Asipienku pradjaŭlena abvinavačvańnie ŭ padrychtoŭcy terarystyčnaha akta. Pra heta paviedamiŭ pravaabaronca Aleh Voŭčak.
Pieršamu abvinavačvańnie ŭ padrychtoŭcy teraktu tydzień tamu pradjavili Mikałaju Aŭtuchoviču. Pravaabaronca miarkuje, što da kanca tydnia pradjaviać abvinavačvańni Alaksandru Łarynu i majoru milicyi Michaiłu Kazłovu, paśla čaho ŭsich abvinavačanych pačnuć rychtavać da aznajamleńnia z materyjałami spravy. Kali majecca na ŭvazie padrychtoŭka terakta, to razmova idzie pra «padrychtoŭku da fizičnaj likvidacyi staršyni Hrodzienskaha abłvykankama U.Saŭčanki i namieśnika ministra pa padatkach i zborach Respubliki Biełaruś V.Kamianka».
Takim čynam, zaraz u spravie pra terakt — čaćviora fihurantaŭ.
Heta Mikałaj Aŭtuchovič i Uładzimir Asipienka (Jury Lavonaŭ vyzvaleny 8 žniŭnia, 24 vieraśnia z pradprymalnika źniatyja ŭsie kryminalnyja abvinavačvańni), a taksama były milicyjant Michaił Kazłoŭ i niechta Alaksandr Łaryn.
Zatrymany miesiac tamu Michaił Kazłoŭ z Hrodna — adzin z byłych kiraŭnikoŭ adździeła pa baraćbie z arhanizavanaj złačynnaściu Hrodzienskaha abłvykankama. Pavodle infarmacyi «Biełaruskaha partyzana», mienavita Michaił Kazłoŭ prymaŭ rašeńnie ab zaviadzieńni kryminalnaj spravy ŭ dačynieńni da načalnika inśpiekcyi MPZ Vaŭkavyskaha rajona ŭ 2003 hodzie na padstavie skarhaŭ Mikałaja Aŭtuchoviča. Paźniej jaho abvinavacili ŭ niedaniasieńni pra toje, što rychtujecca terakt, nibyta Michaił Kazłoŭ viedaŭ — i nie danios.
Usich abvinavačvanych i śviedkaŭ pa «vaŭkavyskim spravie» śledstvu pastaŭlaje Alaksandr Łaryn. U svoj čas Alaksandr Łaryn pracavaŭ ŭ firmie Mikałaja Aŭtuchoviča. «Moža być, čałaviek chvory, ci jašče što. Ale śledstva maje niepaŭnavartasnaje śviedki «, — padkreśliŭ Aleh Voŭčak.
