Prezident Rasijskaj Fiederacyi Dźmitryj Miadźviedzieŭ prybyŭ u Minsk z aficyjnym vizitam.
Jon voźmie ŭdzieł u Miždziaržaŭnym saviecie Jeŭrazijskaj ekanamičnaj supolnaści (JeŭrAzES) na ŭzroŭni kiraŭnikoŭ dziaržaŭ.
Čakajecca, što na samicie adbudziecca padpisańnie dakumientaŭ, jakija pavinny pakłaści pačatak funkcyjanavańniu Mytnaha sajuza Biełarusi, Rasii i Kazachstana. Taksama buduć abmiarkoŭvacca pytańni pa farmiravańni ŭ pierśpiektyvie adzinaj ekanamičnaj prastory.
Dla ŭdziełu ŭ Miždziaržsaviecie JeŭrAzES u Minsk 25 i 26 listapada taksama prybyli kiraŭniki inšych krain, jakija ŭvachodziać u supolnaść: prezident Kazachstana Nursułtan Nazarbajeŭ, prezident Tadžykistana Emamali Rachmon i prezident Kyrhyzstana Kurmanbiek Bakijeŭ.
Akramia taho, u biełaruskuju stalicu prylacieŭ prezident Armienii Sierž Sarhsian, jaki voźmie ŭdzieł u Miždziaržsavieta ŭ jakaści naziralnika.