Jak paviedamiŭ načalnik bataljona DPS DAI Alaksandr Mielnikaŭ, 26 listapada ŭ 4.30 supracoŭniki DAI sprabavali spynić u Homieli aŭtamabil «Ford‑Eskort», ale kiroŭca nie reahavaŭ.
Ekipaž DAI pačaŭ pieraśled. Vadziciel «Forda» stvaraŭ pahrozu ŭdzielnikam darožnaha ruchu, a taksama sprabavaŭ skinuć z trasy aŭtamabil DAI.
Aŭtamabili vyjechali za rysu horada. Było vyrašana prymianić zbroju. Ale navat na papieradžalnyja streły ŭ pavietra zhonščyki nie reahavali. «Ford» ruchaŭsia z chutkaściu 130 km/h. Paśla šaści strełaŭ pa kołach aŭtamabil źjechaŭ u kiuviet, zhonščyki kinulisia naŭcioki, ale supracoŭniki DPS ich zatrymali.
Usie ŭdzielniki ŭhonu — vadziciel i troje pasažyraŭ — niepaŭnaletnija žychary Rečycy i Rečyckaha rajona 15 i 16 hadoŭ.
Jany pieradadzieny dla razboru ŭ Rečycki RAUS.
Padčas śledstva ŭstanoŭlena, što 25 listapada kala 22.00 u Rečycy hety aŭtamabil byŭ ukradzieny. Jaho haspadar — 55‑hadovy žychar Rečycy, ranicaj 26 listapada jon padaŭ zajavu ŭ milicyju.
U dačynieńni da padletkaŭ raspačata kryminalnaja sprava.