1 śniežnia ŭ Minsku prajšła pres‑kanfierencyja hałoŭnaha treniera partuhalskaha futbolnaha kłuba «Bienfika» Žorže Žezuša napiaredadni matču hrupavoha etapa Lihi Jeŭropy suprać biełaruskaha BATE.
«My miarkujem, što pavinny pieramahčy», — zajaviŭ nastaŭnik haściej. «Treba zabivać, — padkreśliŭ jon, — tamu što pieramoha dazvalaje nam vyjści ŭ nastupny raund. Inšaja reč, što zabivać uvieś čas niemahčyma, na praciahu niekalkich matčaŭ nam heta nie ŭdavałasia».
Brazilski paŭabaronca «Bienfiki» Ramires pryznaŭsia, što ŭ Minsku jamu choładna. «Ale treba brać pad uvahu, što my znachodzimsia ŭ paŭnočnaj krainie, — skazaŭ jon. — Nie dumaju, što nadvorje budzie niejkaj pieraškodaj dla našaj kamandy. Apošnija matčy zbornaja Brazilii hulała pry chałodnym nadvorji, i ja pryzvyčaiŭsia da hetaj tempieratury, tak što, dumaju, prablem nie budzie».
«Zaŭtra vielmi važny dzień, — zaznačyŭ Žezuš. — Usie my pavinny skancentravacca dla taho, kab atrymać try punkty. Liču, što BATE — vielmi vysokakvalifikavanaja, zładžanaja kamanda, matč ź jakoj budzie dla nas ciažkim».
