Na Brestčynie ŭručyli litaraturnuju premiju imia Uładzimira Kaleśnika lepšym piśmieńnikam vobłaści. Uznaharodžańnie prajšło 1 śniežnia ŭ Łuninieckim rajonie.
Nina Maciaš
U naminacyi «Paezija» byŭ adznačany zbornik vieršaŭ Niny Maciaš «U pryharščach vietru» (paśmiarotna). Lepšymi knihami prozy stali «Pastka dla recha» Alesia Papłaŭskaha i «Vstrieči» Alaksandra Judickaha. «Śviata dla serca. Nievialikija historyi dla maleńkich biełarusaŭ» Anatola Bienzieruka atrymała dypłom u naminacyi «Dziciačaja litaratura».
Intryha ŭ tym, što premija imia Uładzimira Kaleśnika była zasnavana ŭ 2007 hodzie kankretna dla siabroŭ čarhincoŭskaha Sajuza piśmieńnikaŭ.
Tolki zvarot sakratara Bresckaha adździaleńnia niezaležnaha Sajuza biełaruskich piśmieńnikaŭ Niny Maciaš da staršyni abłvykankama źmianiŭ situacyju. Čynoŭniki pierastali dzialić litarataraŭ na svaich i čužych.
Prynamsi, łaŭreatami premii stanavilisia siabry abodvuch sajuzaŭ. I sioleta sama Nina Maciaš atrymała premiju. Paspryjała hetamu, vidać, i toje, što kniha vyjšła ŭ dziaržaŭnym vydaviectvie «Litaratura i Mastactva».
U papiarednija hady premijaj imia Uładzimira Kaleśnika byli ŭhanaravany Aleś Kasko, Michaś Rudkoŭski, Mikoła Prakapovič, Zinaida Dudziuk, Mikoła Kuprejeŭ, Valeryj Hapiejeŭ, Vasil Łaskovič, Raścisłaŭ Bienziaruk, Valeryj Hryškaviec.
